درّس أبناءك مع معلمين مختارين
لكل مادة، وإحنا نرتّب الباقي

السعر يعتمد على عدد الساعات والمواد اللي يحتاجها ولدك. بعد ما تعبّي الاستبيان، فريقنا يتواصل معك ويجهّز لك عرضاً مخصصاً بسعر واضح ومفصّل، وما تدفع أي شي قبل ما توافق عليه.

فريقنا يرشّح أفضل معلم لكل مادة حسب مرحلة ولدك واحتياجه، ويتفق معه على سعر خاص للباقات. ونشوف رأيك قبل ما نعتمد. ولو المعلم ما ناسب ولدك بعد البداية، نبدّله لك مجاناً وساعاتك المتبقية تنتقل للمعلم الجديد.

الباقة بدون تاريخ انتهاء، وساعاتك المتبقية تبقى متاحة لك. وتقدر تجمّد الحجز وقت السفر أو الاختبارات وتستأنفه لما يناسبك.

رصيد كل حصة 30 دقيقة، يعني كل ساعة تساوي حصتين و100 ساعة تساوي 200 حصة. تقدر تجمع الحصص في جلسة واحدة من 30 إلى 240 دقيقة بزيادات 30 دقيقة؛ جلسة 90 دقيقة تستهلك ساعة ونصف أو 3 حصص.

تقدرون تكملون الجلسة مع المعلم بعد وقتها المحجوز ما دامت الغرفة مفتوحة، بدون خصم حصص أو رسوم إضافية. المعلم يقدر يقفل الغرفة للجميع عند انتهاء الدرس.

نعم، تقدر تتفق مع فريقنا على باقة بسعر ثابت وعدد ساعات واضح وتدفعها، ثم نوزّع ساعات المواد ونعتمد معلميها معك لاحقاً. السعر الإجمالي المتفق عليه يبقى ثابتاً.

تتفق مع المعلم على الوقت والمدة المناسبين، والمعلم أو فريقنا يحجز الموعد لك. تقدر تنسّق معه في المحادثة، ويوصلك إشعار بكل جلسة تُحجز.

التسجيل باسم ولي الأمر واسم الطالب. وإذا كنت طالباً جامعياً وتبي الباقة لنفسك، سجّل بنفسك واكتب اسمك في خانة الطالب، ومستشارك التعليمي يكمّل معك على الاتصال.

الساعات غير المستخدمة ما تنتهي. إذا احتجت تناقش الاسترداد، تواصل مع فريق الدعم ونشوف الخيارات المتاحة معك. أي مبلغ يُسترد يُضاف كرصيد في محفظتك داخل المنصة (ما يرجع للبطاقة) وينسّق معك فريق الدعم لاستخدامه.

نعم. الدفع يتم مرة واحدة فقط عبر بوابة دفع آمنة، ويوصلك رابط الدفع من ليرن مباشرة. ما فيه اشتراك شهري ولا خصم متكرر على بطاقتك.

أكيد، وهذي أهم ميزة في الباقات. تقدر تجمع رياضيات وانجليزي وقدرات وغيرها في باقة واحدة، ولكل مادة معلم مخصص، بدفعة واحدة وبدون تاريخ انتهاء.

خلال 24 ساعة من إرسال الاستبيان. لو احتجت تستعجل أو عندك سؤال، تقدر تتواصل معنا مباشرة عبر صفحة «تواصل معنا».

نعم. الباقات متاحة للعائلات في السعودية والإمارات والكويت وقطر والبحرين وعُمان. الحصص أونلاين، فالمعلم يوصل ولدك وين ما كنتم في الخليج.

من الروضة وأول ابتدائي حتى ثالث ثانوي، بالإضافة للمواد الجامعية، وعلى المنهج السعودي والبريطاني والأمريكي والبكالوريا الدولية (IB) وغيرها. تختار مرحلة ولدك في الاستبيان، ومستشارك التعليمي يبني الخطة عليها.

نعم. قول لمستشارك التعليمي إذا تفضّل معلم أو معلمة لولدك، ويرشّح لك على هالأساس حسب المادة والمرحلة.

بعد كل حصة يكتب لك المعلم ملاحظة عن ولدك: وش درسوا، وش أتقن، وش يحتاج مراجعة، وهل مستواه تحسّن أو تراجع. وكل فترة يوصلك تقرير متابعة دوري يلخّص تقدمه في كل مادة. وبجانب هذا يوصلك إشعار بكل حصة تُحجز أو تكتمل، وتقدر تراسل المعلم مباشرة من حسابك، ومستشارك التعليمي معك من أول يوم لآخر حصة.

بمجرد ما يتأكد الدفع تتفعّل الباقة بدون تاريخ انتهاء. وبعد توزيع المواد وتعيين المعلمين، يبدأ الحجز في الأوقات اللي تتفقون عليها.